युनिकोड
कोरोना भाइरसबाट विश्वमा सबैभन्दा बढी पीडित अमेरिकामा यसको संक्रमणका कारण ३७ हजार जनाभन्दा बढीको मृत्यु भइसकेको छ भने संक्रमितको संख्या ७ लाख नाघेको छ।
नेपाली समय शनिबार बिहान सवा ६ बजेसम्म वर्ल्डओमिटरको तथ्यांकअनुसार अमेरिकामा कोरोनाबाट ३७ हजार १ सय ३५ जनाको मृत्यु भएको हो। यसैगरी यो भाइरसको संक्रमणमा पर्नेको संख्या ७ लाख ९ हजार २ सय १ पुगेको हो।
अमेरिकापछि कोरोना संक्रमणबाट विश्वमै सबैभन्दा बढी इटली र स्पेन आक्रान्त छन्।
इटलीमा कोरोनाका कारण यो खबर लेख्दासम्म २२ हजार ७ सय ४५ जनाको मृत्यु भएको छ भने स्पेनमा २० हजार २ जनाको मृत्यु भएको छ।
यसैगरी कोरोना संक्रमितको संख्या स्पेनमा १ लाख ९० हजार ८ सय ३९ तथा इटलीमा १ लाख ७२ हजार ४ सय ३४ पुगेको छ।
याे पनि:
अमेरिकामा कोरोनाले संक्रमण/मृत्यु बढेको बढ्यै, तर ट्रम्पले सार्वजनिक गरे लकडाउन खुलाउने यस्तो योजना
प्रतिक्रिया