अहिले काठमाडौं उपत्यकासहित देशका पहाडी भेगमा हावाहुरी, चट्याङसहित वर्षा भइरहेको मौसम पूर्वानुमान महाशाखाले जनाएको छ।
महाशाखाका अनुसार पोखराभन्दा पूर्व र मध्य क्षेत्रको पहाडी भेगमा हावाहुरी मेघगर्जनसहित वर्षा भइरहेको छ र यो प्रणाली पूर्वतिर सर्ने क्रममा छ।
यस्तै बाढी पूर्वानुमान शाखाले आज राति तनहुँ, गोरखा, धादिङ भई बहने केही साना नदीमा आकस्मिक बहाव हुन सक्ने उल्लेख गर्दै तटीय क्षेत्रमा आज राति सतर्कता अपनाउन आग्रह गरेको छ।
हाल तनहुँ, गोरखा, धादिङको केही स्थानमा मध्यम वर्षा र चितवन, नुवाकोट, काठमाडौं उपत्यका, ओखलढुङ्गा, दोलखा, सिन्धुपाल्चोक र आसपास केही स्थानमा हल्का वर्षा भईरहेको छ,’ सोमबार साँझ सूचना जारी गर्दै बाढी पूर्वानुमान शाखाले भनेको छः, ‘तनहुँ गोरखा, धादिङ भई बहने केही साना नदीमा आकस्मिक बहाव हुन सक्छ, तटीय क्षेत्रमा आज रातिसम्म सतर्कता अपनाऔं।’
प्रतिक्रिया