युनिकोड
दुई दिनअघि कुवेतबाट नेपाल फर्किएका महिलामध्ये एक जनालाई कोरोना पुष्टि भएको छ।
याे पनि: कुवेतबाट फर्किएकी एक महिला कोरोना आशंकामा अस्पताल भर्ना, अरु सबै राजधानीका क्वारेन्टिनमा
संक्रमण आशंकामा यसअघि नै अस्पताल भर्ना भएकी उनको स्वाब परीक्षण गर्दा शनिबार कोरोना पुष्टि भएको टेकुस्थित शुक्रराज ट्रपिकल तथा सरुवा राेग अस्पतालका निर्देशक डा. सागर राजभण्डारीले जानकारी दिए।
‘अहिले उनलाई आईसीयूमा राखिएको छ,’ आइतबार राति डा. राजभण्डारीले नेपालखबरसँग भने।
उनका अनुसार अहिले टेकु अस्पतालमा ती महिलासहित काेराेनाका ७ बिरामी छन्।
‘अवस्था अलि गम्भीर भएका ती महिला र अर्का एक पुरुष आईसीयूमा छन्,’ डा. राजभण्डारीले भने, ‘अन्यलाई आइसोलेसनमा राखिएको छ।’
यसअघिका संक्रमितमा कोरोनाका लक्षण देखिएका थिएनन् भने अहिलेका सबै बिरामीमा लक्षण देखिएका छन्।
‘हामीले अब लक्षण भएकालाई मात्र अस्पतालमा राख्ने गरेका छौं,’ उनले भने, ‘त्यसमा पनि दुई जनाको अवस्था अझ जटिल देखिएकाले आईसीयूमा राखेका हौं।’
प्रतिक्रिया