सुदूरपश्चिममा सोमबार एकै दिन थप ६८ जनामा कोरोना संक्रमण पुष्टि भएको छ। कैलालीको सेती प्रादेशिक अस्पतालको प्रयोगशालामा गरिएको परीक्षणमा थप ६८ जनामा कोरोना संक्रमण देखिएको अस्पतालका सूचना अधिकारी दिलिप कुमार श्रेष्ठले बताए।
सोमबार सबैभन्दा बढी बैतडीको शिवनाथ गाउँपालिकामा २१ जनामा संक्रमण पुष्टि भएको छ। डोटीको शिखर नगरपालिकाका १७, आर्दश गाउँपालिकामा २ र पुर्वीचौकी गाउँपालिकाका एक जना, कञ्चनपुरको बेलौरी नगरपालिकाका ११ जना, कैलालीको टीकापुर नगरपालिकामा ८, धनगढी उपमहानगरपालिकामा ४ र बर्दगोरीया गाउँपालिकामा एक जनामा संक्रमण देखिएको अस्पतालले जनाएको छ।
यस्तै अछामको मेल्लेख गाउँपालिकामा ३ जनामा संक्रमण पुष्टि भएको छ। कोरोना पुष्टि हुनेमा ४ वर्षीय देखि ६२ वर्ष उमेर समुहका छन्। उनीहरुमध्ये ३ महिला हुन् भने ६५ पुरुष हुन्। यो सँगै सुदूरपश्चिममा कोरोना संक्रमितको संख्या ३२९ पुगेको छ।
प्रतिक्रिया