सुदूरपश्चिममा बुधबार थप ४२ जनामा कोरोना संक्रमण पुष्टि भएको छ।
सेती प्रादेशिक अस्पतालको प्रयोगशालामा गरिएको परीक्षणमा १५ महिला र २७ पुरुष गरी ४२ जनामा संक्रमण पुष्टि भएको अस्पतालका सूचना अधिकारी दिलिप कुमार श्रेष्ठले बताए।
उनका अनुसार डोटीको सायल गाउँपालिकाका ६ महिला र १३ पुरुष गरी १९ जनामा संक्रमण पुष्टि भएको छ। यस्तै डोटीकै आदर्श गाउँपालिकाका वडा नम्वर ७ का तीन पुरुष र एक महिला, कैलालीको गोदावरी नगरपालिकाका सात महिला र ११ पुरुष गरी १८ जना, कञ्चनपुरको बेलौरी नगरपालिका वडा नम्वर ९ का दुई वर्षीया बालिकामा समेत संक्रमण पुष्टि हो।
यो सँगै सुदूरपश्चिममा संक्रमितको संख्या चार हजार दुई सय ८९ पुगेको छ। तीमध्ये दुई हजार ८ सय १९ जना डिस्चार्ज भएका छन् भने ९ जनाको मृत्यु भएको छ।
प्रतिक्रिया