प्रदेश २ मा कोरोना संक्रमितको संख्या ६ हजार नाघ्यो, ३० जनाको मृत्यु

पछिल्लो २४ घण्टामा प्रदेश २ मा ३६ महिलासहित १७४ जना कोरोना संक्रमित थपिएका छन्।

पर्सामा ६५ जना, रौतहटमा ४० जना, सर्लाहीमा २१, धनुषामा १८ जना, महोत्तरीमा १० जना, सिरहामा ९ जना, बारामा ७ जना र सप्तरीमा ४ जनामा कोरोना संक्रमण पुष्टि भएको स्वास्थ्य निर्देशनालयका वरिष्ठ अधिकृत विजय झाले जानकारी दिए।

यससँगै प्रदेश २ मा कोरोना संक्रमितको संख्या ६ हजार ६८ पुगेको छ। जसमा ६४९ महिला रहेको प्रदेश स्वास्थ्य निर्देशनालयले जनाएको छ।

प्रदेश २ मा मंगलबारसम्म ३० जनाको कोरोना संक्रमणबाट मृत्यु भइसकेको छ।