पछिल्लो २४ घण्टामा प्रदेश २ मा कोरोना भाइरसको संक्रमणबाट ६ जनाको मृत्यु भएको छ।
बाराका चारजना पुरुषको मृत्यु भएको छन्। ७८, ३८, ६५ र ५० वर्षका पुरुषहरुको कोरोना संक्रमणबाट मृत्यु भएको प्रदेश स्वास्थ्य निर्देशनालयका वरिष्ठ अधिकृत विजय झाले जानकारी दिए।
४ जना मध्ये एकजनाको वेवारिशे शवमा पनि कोरोना संक्रमण पुष्टि भएको निर्देशनालयले जनाएको छ। निर्देशनालयका अनुसार धनुषाका ७० वर्षीय पुरुष र ६५ वर्षीया एक महिलाको पनि कोरोना संक्रमणबाट मृत्यु भएको छ।
योसँगै प्रदेश २ मा कोरोना संक्रमणबाट मृत्यु हुनेको संख्या ३९ पुगेको छ। मृत्यु हुने मध्ये ८ जना महिला छन्।
पर्सामा १९ जना, धनुषामा ६ जना, बारामा ६ जना, सप्तरीमा ३, महोत्तरीमा २, रौतहटमा २ र सिरहामा १ जनाको मृत्यु भएको निर्देशनालयको तथ्यांकमा छ।
पछिल्लो २४ घण्टामा प्रदेश २ मा १५१ जना संक्रमित थपिएका छन्। पर्सामा ३९, धनुषामा २८, महोत्तरीमा २३, रौतहटमा २१, बारामा २०, सप्तरीमा १२, सर्लाहीमा ५ र सिरहामा ३ जना संक्रमित फेला परेका स्वास्थ्य निर्देशनालयका वरिष्ठ अधिकृत झाले जानकारी दिए।
प्रतिक्रिया