युनिकोड
दक्षिणी युरोपको टापु मुलुक माल्टा लैजान्छु भनी नक्कली भिषा दिलाउने कार्यमा संलग्न एक भारतीय नागरिकलाई प्रहरीले पक्राउ गरेको छ।
भारत उत्तर प्रदेश दिल्ली घर भई हाल काठमाडौं महागनरपालिका–९ सिनामांगल बस्दै आएका २३ वर्षीय राहुल पाण्डे शुक्रबार पक्राउ परेका हुन्। उनलाई प्रहरीले टेकूबाट पक्राउ गरेको हो।
पाण्डेले भिभि इन्टरनेशनल प्रालिमार्फत नेपालीहरुलाई वैदेशिक रोजगारको लागि माल्टा लैजान्छु भनि नक्कली भिषा दिलाई ठगी गरेका थिए। कामदारहरुको भिषा प्रोसेसिङ र सेक्युरिटी डिपोजिट गर्नको लागि भन्दै पटक पटक गरी उनले नगद ६५ लाख ७० हजार ६ सय रुपैयाँ ठगेको जाहेरीमा उल्लेख छ।
भिभी इन्टरनेशनल प्रालिका संचालक दावा शेर्पाले प्रहरीमा उजुरी गरेका हुन्। सोही आधारमा महानगरीय अपराध महाशाखाको टोलीले पाण्डेलाई पक्राउ गरेको हो।
उनलाई थप अनुसन्धानका लागि महानगरीय प्रहरी परिसर काठमाडौं पठाइएको सो महाशाखाले जनाएको छ।
प्रतिक्रिया