युनिकोड
पछिल्लो २४ घण्टामा प्रदेश २ मा कोरोना संक्रमणबाट ७ जनाको ज्यान गएको छ। पर्सामा ३ जना, महोत्तरीमा र सिरहामा २/२ जनाको मृत्यु भएको हो।
शनिबार बिहान मृत्यु हुनेमा महोत्तरीको भंगहा नगरपालिका १ का ३५ वर्षीय पुरुष र महोत्तरीकै पिपरा गाउँपालिका ७ का ७० वर्षीय पुरुष छन्।
यस्तै सिरहाको सुक्खीपुर नगरपालिका ८ का ५५ वर्षीय पुरुष र सिरहाकै लाहान नगरपालिका १८ का ४५ वर्षीय पुरुषको मृत्यु भएको समाजिक विकास मन्त्रालयका वरिष्ट चिकित्सक डा. कमलेश यादवले जानकारी दिए।
त्यस्तै पर्साका वीरगञ्ज महानगरपालिका १२ का ४८ वर्षीय पुरुष र ६५ वर्षीया महिला र पर्साकै मनियारीका ३७ वर्षीय पुरुष रहेको मन्त्रालयले जनाएको छ। योसँगै प्रदेश २ मा कोरोनाबाट मृत्यु हुनेको संख्या ८४ पुगेको छ।
यसअघि शुक्रबार यस प्रदेशमा कोरोनाबाट ५ जनाको मृत्यु भएको थियो भने बिहीबार ८ जनाको मृत्यु भएको थियो।
पछिल्लो २४ घण्टामा यस प्रदेशमा २० महिलासहित १६५ जना नयाँ कोरोना संक्रमित फेला परेका छन्। सबभन्दा बढी धनुषाका ४९ जना, महोत्तरीका २७ जना, बाराका ९ जना, पर्सामा ३४ जना, सर्लाहीमा ४५ जना र रौतहटमा १ जना संक्रमित भेटिएको मन्त्रालयका वरिष्ठ चिकित्सक डा. यादवले बताए।
हालसम्म यस प्रदेशमा कोरोना संक्रमितको संख्या ९ हजार ७९५ पुगेको छ। पछिल्लो २४ घण्टामा ४ महिलासहित ८७ जना उपचारपश्चात कोरोना मुक्त भएको जनाएको छ।
प्रतिक्रिया