युनिकोड
रुपन्देहीको तिलोत्तमा नगरपालिकास्थित ड्राइभरटोलमा दुर्घटना भएको छ। दुर्घटनामा परी एकजनाको मृत्युु भएको छ।
तिलोत्तमा नगरपालिका वडा नं १ स्थित सिद्धार्थ राजमार्गको ड्राइभरटोल प्रहरी चौकी अगाडि भएको दुर्घटनामा २ जना घाइते भएका प्रहरीले जनाएको छ।
बुटवलबाट मणिग्रामतर्फ जाँदै गरेको मोटरसाइकल र बुटवलबाटै नयाँमिलतर्फ जाँदै गरेको स्कुटर दुर्घटनामा भएका हुन्।
दुर्घटनामा लु ३३ प ४९४७ नं को मोटरसाइकलको पछाडी सवार सिद्धार्थनगर नगरपालिका–९ बस्ने वर्ष २८ को सुदीप घिमिरेको मृत्यु भएको प्रहरीले बताएको छ।
मोटरसाइकल चालक गुल्मी छत्रकोट गाउँपालिका वडा नं ४ घर भई तिलोत्तमा ५ मणिग्राम बस्ने सरोज पन्त गम्भीर घाइते छन्।
त्यसैगरी लु ५४ प ४७१७ नं को स्कुटर चालक तिलोत्तमा ५ नयाँमिलका सुवास भण्डारी पनि गम्भीर घाइते भएका छन्। उनीहरुको मणिग्रामस्थित क्रिमसन अस्पतालमा उपचार भइरहेको प्रहरीले जनाएको छ।
प्रतिक्रिया