युनिकोड
कैलालीमा माटोको ढिस्कोमा पुरिएर शनिबार एकै टोलका तीन जनाको मृत्यु भएको छ।
जिल्लाको जानकी गाउँपालिका–९ खैरीफाँटास्थित कालिका सामुदायिक वन नजिकको जंगलमा माटोको ढिस्कोले पुरिएर तीन जना मृत्यु भएको छ भने अन्य दुई जना घाइते भएका छन्।
जिल्ला प्रहरी कार्यालय कैलालीका अनुसार मृत्यु हुनेमा जानकी गाउँपालिका–९ खैरीफाँटाकी १७ वर्षीय धनसरी सवाल, सोही ठाउँकी २० वर्षीय भावना वड र ३० वर्षीया गंगादेवी जैगडा रहेका रहेका छन्।
सवाल र वडको घटनास्थलमै र जैगडीको टीकापुर अस्पतालमा उपचारका क्रममा ज्यान गएको जिल्ला प्रहरी कार्यालय कैलालीका प्रवक्ता डीएसपी प्रतीक विष्टले बताए।
‘उहाँहरु घर पोत्ने माटो लिन जानुभएको रहेछ। माटो खन्ने क्रममा ढिस्को खस्दा पुरिएर ३ जनाको मृत्यु भएको हो’, डीएसपी विष्टले नेपालखबरसँग भने।
उनका अनुसार माटोको ढिस्कोमा पुरिएर घाइते भएकी खैरीफाँटाकै १२ वर्षीया अन्जु जैगडीको टीकापुर अस्पतालमा उपचार भइरहेको छ।
प्रतिक्रिया