जनकपुरमा बसको ठक्करबाट वृद्धाको मृत्यु

जनकपुरमा आज बिहान बसको ठक्करबाट वृद्धाको मृत्यु भएको छ।

जनकपुरबाट राजविराज जाँदै गरेको ना ४ ख ८०६१ नम्बरको बसको ठक्करबाट जनकपुरधाम उपमहानगरपालिका ८ की ६८ वर्षीया बेच्नीदेवी मण्डलको मृत्यु भएको हो।

जनकपुरको रामानन्दचोकनजिक बाटो काट्ने क्रममा मण्डललाई बसले बिहान ६ बजे ठक्कर दिएको हो। घटनास्थलमै उनको मृत्यु भएको जिल्ला ट्राफिक प्रहरी कार्यालय (धनुषा) ले जनाएको छ।

प्रहरीका अनुसार गलत साइडबाट बाटो काट्दा महिलााई ठक्कर लागेको हो। बस र चालकलाई प्रहरीले नियन्त्रणमा लिएको छ भने पोस्टमार्टमका लागि शव प्रादेशिक अस्पताल जनकपुर पठाइएको छ। घटनाबारे अनुसन्धान भइरहेको प्रहरीले जनाएको छ।