सर्लाहीको हरिवन-८ मा रहेको जनजागृति माविले १५ जना छात्रालाई साइकल वितरण गरेको छ।
आइतबार बिहान विद्यालय प्रांगणमा आयोजित कार्यक्रममा हरिवन गरपालिकाका मेयर गणेश प्रसाईंले कक्षा ९ मा अध्ययनरत १५ जना छात्रालाई साइकल वितरण गरेका हुन्।
प्रदेश २ सरकारको ‘बेटी पढाउ, बेटी बचाउ’ अभियान अन्तर्गत विद्यालयलाई प्राप्त भएको साइकल कक्षा ९ का सबै छात्रालाई प्रदान गरिएको प्रधानाध्यापक चन्द्रमोहन झाले जानकारी दिए।
छात्राहरुलाई साइकल वितरण गर्दै मेयर प्रसाईंले प्रदेश सरकारको साइकल वितरण अभियानले छात्रा शिक्षामा ठूलो सहयोग पुग्ने विश्वास व्यक्त गरे।
कार्यक्रममा हरिवन- ८ का वडाध्यक्ष यज्ञविनोद ढुंगेल, जनजागृति माविका अध्यक्ष रामचन्द्र गौतम, समाजसेवी खेम भट्टराई लगायतको उपस्थिति थियो।
प्रतिक्रिया