सिन्धुपाल्चोकबाट काठमाडौँ आउँदै गरेको बस दुर्घटना, पाँचको मृत्यु

सिन्धुपाल्चोकबाट काठमाडौँ आउँदै गरेको बस इन्द्रवती गाउँपालिकामा दुर्घटना हुँदा पाँच जनाको घटनास्थलमै मृत्यु भएको छ भने ४० जना घाइते बनेका छन्।

शुक्रबार बिहान पौने १० बजे सिन्धुपाल्चोकको सुपाघाटबाट काठमाडौंतर्फ आउँदै गरेको बा २ ख २७१५ नम्बरको बस इन्द्रवती गाउँपालिका १०, बडहरेमा दुर्घटनामा भएको जिल्ला प्रहरी कार्यालय सिन्धुपाल्चोकको डीएसपी माधव काफ्लेले जानकारी दिए।

उनका अनुसार दुर्घटनामा पाँच जनाको ज्यान गएको उनले बताए। मृत्यु हुनेमा ४ पुरुष र १ महिला रहेका छन्।

घाइतेहरुलाई अहिले विभिन्न अस्पतालमा लैजाने कार्य भइरहेको प्रहरीले जनाएको छ।