युनिकोड
आईसीसी यू–१९ विश्वकप एक दिवसीय एशिया क्षेत्र छनोटमा नेपालले सिगांपुरसामु २ सय ६२ रनको लक्ष्य प्रस्तुत गरेको छ।
युएईको इडेन गोर्डन ओभल आजमानमा टस जितेर पहिले ब्याटिङ गरेको नेपालले निर्धारित ५० ओभरमा ७ विकेटको क्षतिमा २ सय ६१ रनको योगफल तयार पारेको हो।
डेब्यु खेल खेलिरहेका आकाश त्रिपाटीले ७८ रनको सर्वाधिक योगदान दिए। १ सय बलको सामना गरेका आकाशले ७ चौका र १ छक्का मद्दतमा ७८ रन बनाउँदा क्याच आउट भए।
विकास विक्रम केसी ६३ र सुवास भण्डारी १२ रनमा नटआउट रहे। ५४ बलको सामना गरेका विकासले ४ चौका र २ छक्का हाने।
दोस्रो विकेटका लागि ओपनर अर्जुन कुमाल र आकाश त्रिपाटीले ९३ रनको साझेदारी गरे। अर्जुन ३७ रन बनाउँदा माहियु भाटीयाको बलमा बोल्ड आउट भए। ६७ बलको सामना गरेका अर्जुनले ३ चौका हाने।
कप्तान देव खनाल २१ रनमा एलबीडब्लु धरापमा पर्दै पवेलियन फर्के। दिपक बोहोरा १७ रनमा क्याच आउट भए। ओपनर दिपक बोहोरा ५ रनमा क्याच आउट भए। मध्यक्रममा ब्याटर दिपक बोहोरा १७ रनमा क्याच आउट भए। दिपक प्रसाद डुम्रे १० रनमा रनआउट भए।
सिंगापुरका अर्याभिर चौधरी र अभुदय आजरले समान २ विकेट लिए।
नेपालले आजको खेलमा ७ खेलाडीलाई यू–१९ टोलीका डेब्यू गराएको छ। नेपालका दीपक बोहरा, आकाश त्रिपाठी, सुवास भण्डारी, हेमन्त धामी, दीपक डुम्रे, दीपक बोहरा र मिलन बोहराले यू–१९ टोलीबाट खेलिरहेका छन्।
प्रतिक्रिया