अष्ट्रेलियासँग ८६ रनले पराजित भएपछि न्यूजिल्याण्डको विश्वकप क्रिकेट २०१९ को सेमिफाइनलमा पुग्ने सपना अझै पूरा हुन् सकेको छैन्।
सुरुवाती ६ खेलमा हार नबेहोरेको न्यूजिल्याण्डले पछिल्ला दुई खेलमा लगातार हार ब्यहोरेपछि सेमिफाइनलमा पुग्न उसले अन्तिम खेलमा इंग्ल्याण्डलाई पराजित गर्नै पर्ने अवस्था बनेको छ।
२ सय ४४ रनको लक्ष्य पछ्याएपनि न्यूजिल्याण्ड १५७ रनमै समेटियो। त्यसअघि ट्रेन्ट बोल्टले ह्याट्रिक विकेट लिएपछि अष्ट्रेलिया २४३-९ को स्कोरमा समेटिएको थियो।
उसका उस्मान ख्वाजा(88) र अलेक्स कोरीले ७१ रन जोड्दै अष्ट्रेलियालाई सो स्कोरमा पुर्याएका थिए। छैटौं विकेटका लागि उनीहरुले १ सय ७ रनको साझेदारी गरे।
तर, न्यूजिल्याण्डले भने साझेदारी बनाउँन संघर्ष गर्नुपर्यो। मिचल स्टार्कले २६ रनमात्रै खर्चेर ५ विकेट लिएपछि न्यूजिल्याण्ड १५७ रनमै अलआउट भयो।
अब न्यूजिल्याण्डले बुधबार समूहको अन्तिम खेल इंग्ल्याण्डसँग खेल्दैछ। जहाँ दुबै टोलीलाई सेमिफाइनलमा पुग्न जित आवश्यक हुनेछ।
प्रतिक्रिया