युनिकोड
बाढी र पहिरोबाट पीडित भएकाहरुको सहयोगका लागि अख्तियार दुरुपयोग अनुसन्धान आयोगका प्रमुख आयुक्त र अन्य आयुक्तहरुले आफ्नो ७ दिनको तलब सहयोग गर्ने भएका छन्।
आयोगका प्रवक्ता नरहरि घिमिरेले उक्त रकम प्रधानमन्त्री दैवी प्रकोप उद्धार कोषमा जम्मा गर्ने निर्णय भएको जानकारी दिए।
उनका अनुसार आयोगमा रहेका सचिवले ५ दिनको, सहसचिव र उपसचिवस्तरका कर्मचारीको ३ दिनको, शाखा अधिकृत वा सो सरहका कर्मचारीको २ दिन र अन्य कर्मचारीको एक दिनको तलबबराबरको रकम कोषमा जम्मा गर्ने निर्णय भएको छ।
बाढी र पहिरोमा परी मृत्यु भएका परिवारप्रति श्रद्धाञ्जलि र परिवारमा समवेदन प्रकट गर्दै आयोगले घाइतेको शीघ्र स्वास्थ्यलाभको कामना समेत गरेको छ।
प्रतिक्रिया