नबिल बैंकले सम्पूर्ण ऋणी तथा ग्राहकलाई ‘३६औँ वार्षिकोत्सव योजना’ ल्याएको छ।
बैंकले रिटेल कर्जा (घर कर्जा, धितो कर्जा, व्यक्तिगत ओभरड्राफ्ट) र साना तथा मझौला व्यवसाय कर्जामा विशेष ब्याज छुट दिने अफर ल्याएको हो।
जसअन्तर्गत, घरकर्जामा ७.९९ प्रतिशत, धितो कर्जामा ८.४९ प्रतिशत, व्यक्तिगत ओभरड्राफ्टमा ः ८.४९ प्रतिशत र साना तथा मझौला कर्जामा ७.९९ प्रतिशत ब्याजदर निर्धारण गरिएको छ।
सीमित समयको लागि बैंकले ल्याएको विशेष छुट वार्षिकोत्सव योजनाको प्रक्रिया सबै शाखाहरुबाट अगाडि बढाउन सकिने बताइएको छ।
योजनाबाट रिटेल र साना तथा मझौला व्यवसायका ग्राहकहरुलाई केही सहायता पुग्ने बैंकले विश्वास गरेको छ।
प्रतिक्रिया