‘धूमम’को नेपाल प्रदर्शन पक्का (भिडिओ)

दक्षिण भारतीय सिनेमा ‘धूमम’को नेपाल प्रदर्शन निश्चित भएको छ। सिनेमाको नेपाल प्रदर्शन अधिकार सुनिल मानन्धरको श्रीराम बालाजी फिल्मस्‌ले किनेको हो। फहाद फासिलको मुख्य भूमिका रहेको सिनेमा आगामी शुक्रबारदेखि नेपाली हलमा प्रदर्शन हुनेछ।

भारतमा गत जुन २३ मा मल्यालम र कन्नडा भाषामा मात्रै रिलिज भएको सिनेमाले समीक्षकबाट राम्रो प्रतिक्रिया पाएको छ। बक्कअफिसमा भने सिनेमा औसत मात्रै चलेको थियो। भारतमा सिनेमाको मल्यालम र कन्नडा बाहेक तमिल, तेलुगु र हिन्दी डब भने सिधै ओटीटी प्लेटर्फममा मात्रै रिलिज हुनेछ। 

पवन कुमारको निर्देशनमा निर्माण भएको ‘धूमम’लाई दक्षिण भारतको चर्चित सिनेमा निर्माण कम्पनी होम्बले फिल्मस्‌ले निर्माण गरेको हो। यो ब्यानरले यसअघि केजीएफ र केजीएफ २ जस्ता सफल सिनेमा निर्माण गरिसकेको छ।