युनिकोड
श्रीलंकामा आज भइरहेको राष्ट्रपतीय निर्वाचनअनतर्गत राष्ट्रपति रनिल विक्रमासिंघेले कोलम्बोमा मतदान गरेका छन्।
त्यसपछि उनले देश र देशको परम्परागत अर्थतन्त्रलाई ध्वस्त पारेको परम्परागत राजनीतिबाट श्रीलंकामा परिवर्तन गर्नुपर्ने समय आएको बताए।
बीबीसीका अनुसार उनले भने, ‘देशलाई नयाँ सामाजिक र राजनीतिक व्यवस्था चाहिएको छ।’
विक्रमासिंघेले आफूहरूले सरकार र लोकतान्त्रिक प्रणालीलाई स्थिर गरेको दाबी गर्दै अब जनताले आफ्नो भविष्यका लागि आफ्नो मताधिकार प्रयोग गर्न सक्ने अवस्थामा आएको बताए।
उनले भने, ‘हामीले लोकतन्त्रको रक्षा गर्नु र लोकतान्त्रिक प्रणालीलाई भत्कन नदिनु महत्त्वपूर्ण छ। यसमा ठूलो योगदान गर्न पाएकोमा म खुसी छु।’
श्रीलंकाका ७५ वर्षीय राष्ट्रपति विक्रमासिंघे यसपटक स्वतन्त्र उम्मेदवारका रूपमा चुनाव लडिरहेका छन्।
प्रतिक्रिया