कर्णाली प्रदेशमा राष्ट्रिय सभा सदस्य चुनावअन्तर्गत मतदान सकिएको छ।
कर्णालीका ७९ पालिकाका १ सय ५६ जना जनप्रतिनिधि र प्रदेशसभा सदस्य ४० जनाले मतदान गरेको सहायक निर्वाचन अधिकृत उज्वल रावलले जानकारी दिए।
मतदान सकिएसँगै दिउँसो ३ बजेपछि गणना सुरु गरिने उनले बताए।
कर्णालीबाट राष्ट्रिय सभाका ३ सिटका लागि दलित, महिला र अन्य गरी ६ उम्मेदवार छन्।
जसमा गठबन्धनबाट नेपाली कांग्रेसका कृष्णबहादुर रोकाया, नेकपा माओवादीका विष्णु विक र एकीकृत समाजवादीकी सावित्री मल्ल छन्।
प्रतिपक्षी एमालेबाट विमलाकुमारी शाही, डिल्लीप्रसाद भट्ट र हिक्मत विक उम्मेदवार छन्।
नेकपा एमालेको भन्दा गठबन्धनको मतभार ३ गुणाले बढी छ। प्रदेशसभाका सदस्यहरूको मतभार २ हजार १ सय २० र पालिकाका जनप्रतिनिधिको २ हजार ९ सय ६४ गरी कूल ५ हजार ८४ मतभार छ।
जसमा ३ हजार ७७९ मतभार गठबन्धनसँग हुँदा एमालेसँग १ हजार १ सय ९५ छ।
Shares
प्रतिक्रिया