भिरबाट लडेर सोलुखुम्बुको माप्यदूधकोसी गाउँपालिका–३ खास्तापका ३५ वर्षीय अमृत राईको मृत्यु भएको छ। शुक्रबार कसैलाई जानकारी नगराई घरबाट निस्किएका राईको शव शनिबार खास्तापकै चेम्सी खोलामा फेला परेको हो।
जिल्ला प्रहरी कार्यालय सोलुखुम्बुका सूचना अधिकारी प्रहरी निरीक्षक रामकिशोर साहका अनुसार दयाखोप भिरबाट लडेका राईको शव करिब एक सय ५० मिटर तल चेम्सी खोलामा स्थानीयले फेला पारेका थिए।
मृतक मानसिक रूपमा अस्वस्थ रहेको पारिवारिक स्रोतको दाबी छ। कानुनी प्रक्रिया पूरा गरी घटनाबारे थप अनुसन्धान भइरहेको जिल्ला प्रहरी कार्यालय सोलुखुम्बुले जनाएको छ। रासस
48
Shares
प्रतिक्रिया