युनिकोड
नेपाल उद्योग वाणिज्य महासंघको एसोसिएटतर्फको निर्वाचन बबरमहलस्थित कार्की ब्यांक्वेटमा भइरहेको छ। एक उपाध्यक्षसहित १९ जना एसोसिएट सदस्यका लागि अहिले मतदान भइरहेको हो।
उपाध्यक्षको लागि रामचन्द्र संघई र सौरभ ज्योती निर्वाचनमा छन् भने १९ जना सदस्यको लागि ३३ जना प्रतिस्पर्धामा रहेका छन्। वरिष्ठ उपाध्यक्षको लागि एसोसिएटतर्फको मतभार ३० प्रतिशत हुने व्यवस्था छ।
एसोसिएटतर्फ कुल मतदाता ९ सय ४ जना रहेका छन्। एसोसिएटमा पोक्सी लिन पाउने व्यवस्था छ। त्यसकारणले ९ सय ४ जना मतदान केन्द्र उपस्थित भने हुँदैनन्। कुल मतदाता संख्याको आधा भन्दा कम संख्यामा व्यवसायी उपस्थित भएर एसोसिएटतर्फको निर्वाचन हुने महासंघले जनाएको छ।
कोरोना जोखिमकै कारण मतदान पनि ३ स्थानमा राखिएका छन्। एकपटकमा २५ जनाभन्दा बढी लाइनमा बस्न नपाउने व्यवस्था गरिएको महासंघकी अध्यक्ष भवानी राणाले जानकारी दिइन्।
प्रतिक्रिया