युनिकोड
विभिन्न देशमा रहेका गैरआवासीय नेपालीले भारतद्वारा नेपाली सीमा अतिक्रमणको विरोध कार्यक्रम जारी राखेका छन्।
सोही क्रममा मंगलबार जर्मनीको फ्रयांकफर्टमा गैरआवासीय नेपाली संघलगायत विभिन्न नेपाली संघसंगठनले संयुक्तरुपमा प्रदर्शन गरेको गैरआवासीय नेपाली संघका अध्यक्ष कुमार पन्तले सामाजिक सञ्जाल ट्विटरमार्फत् जानकारी दिएका छन्।
यसअघि बेलायतलगायत विभिन्न मुलुकमा रहेका नेपालीहरुले सीमा अतिक्रमणको विरोध गरेका थिए।
भारतले हालै सार्वजनिक गरेको उसको नयाँ राजनीतिक नक्शामा कालापानीस्थित नेपाली भूभागलाई समेत आफ्नो नक्शामा समावेश गरेपछि देश भित्र र बाहिर त्यसको विरोध भइरहेको छ।
प्रतिक्रिया