राष्ट्रिय स्वतन्त्र पार्टी (रास्वपा) की सांसद डा. तोसिमा कार्कीले स्वास्थ्यपोचारमा विभेद भएको भन्दै आपत्ति जनाएकी छन्।
बिहीबार प्रतिनिधिसभा बैठकमा बोल्दै सांसद कार्कीले बर्सेनि ५ लाख नागरिक स्वास्थ्यपोचार गर्न नपाएर छटपटाएको पनि बताइन्।
‘एउटा पित्तथैलीको अप्रेसनका लागि ३० हजारदेखि डेढ लाखसम्म नागरिकले तिरिरहेका हुन्छन्। एउटै देशमा एउटै प्रविधिले गरिने उपचारको पनि फरक शुल्क तिर्नुपर्ने? यसको मापदण्ड खोई?,’ उनले प्रश्न गरिन्।
साथै, उनले पैसा हुनेले उपचार पाउने र नहुनेले छटपटाउँदै हिँड्नुपर्ने बताइन्।
‘पैसा हुनेले सहज उपचार पाउने, नहुने चाहीँ सस्तो कहाँ पाइन्छ भनेर भौतारिँदै हिँड्नुपर्ने? लुगा बेचेकोजस्तो, जुत्ता बेचेको जस्तो मोलमोलाइ गर्न पाइन्छ, स्वास्थ्य उपचारमा,’ उनले भनिन्।
33
Shares
प्रतिक्रिया