जाडोमा यस हिमाली क्षेत्रको तापक्रम माइनस ४० डिग्री सेल्सिएससम्म पुग्ने बताइएको छ। यस क्षेत्रसँग जोडिएका सबै सडक हिउँका कारण बन्द हुन्छन्।
६ महिनासम्म यस क्षेत्रको मौसम खराब हुने भएकाले सो अवधिमा चिनियाँ र भारतीय सेनाबीच हिंस्रक गतिविधि नहुने विज्ञहरु बताउँछन्।
केही समय अगाडि मात्र भारतीय र चिनियाँ कमाण्डरबीच भएको वार्तामा पनि विवादित क्षेत्रमा थप सेना तैनाथ नगर्ने सहमति भएको छ। दुवै देश विवाद साम्य गर्न राजी छन्।
यससँगै दुवै देशबीचको सीमा विवाद कम हुने अनुमान गरिएको थियो। तर घटनाक्रमले नयाँ मोड लिएको देखिएको छ। जसले दुई देशबीच सीमा विवाद कम नहुने सहजै अनुमान गर्न सकिन्छ।
यो पनिः अक्सिजन अभाव हुने क्षेत्रमा तैनाथ चीन र भारतका सेना जाडोमा उत्पन्न हुने खतराको तयारी गर्दै
दुवै देश यतिबेला धमाधम जाडो यामका लागि आफ्ना सेना तयार गरिरहेका छन्। दुवै देशले जाडोभर चाहिने खाद्यान्न, गोली गठ्ठा लगायतका आवश्यक सामग्री सीमा क्षेत्रमा पठाइरहेको अन्तर्राष्ट्रय संचारमाध्यमले जनाएका छन्।
यसबीचमा भारतीय सेनाले पूर्वी लद्दाखमा ट्यांक रेजिमेन्ट खटाएको जिन्युजले जनाएको छ। समाचार संस्था एएनआईले पनि भारतले माइनस ४० डिग्री सेल्सियसको तापक्रममा संचालन गर्न सकिने ट्यांकहरु तैनाथ गरेको बताएको छ।
#WATCH Indian Army deploys T-90 & T-72 tanks along with BMP-2 Infantry Combat Vehicles that can operate at temperatures up to minus 40 degree Celsius, near Line of Actual Control in Chumar-Demchok area in Eastern Ladakh.
Note: All visuals cleared by competent authority on ground pic.twitter.com/RiRBv4sMud
हालैमात्र भारतीय सैन्य अधिकारीहरुले जाडोका लागि भारतीय सेना सिमानामा तयार भइसकेको बताएका थिए।
सीमा विवाद साम्य गर्ने छलफल चलिरहँदा भारतीय अधिकारीहरुले पनि चिनियाँ सेनाले भारतीय सीमामा घुस्न खोजे गोली चलाउने बताएको थियो।
पछिल्ला घटनाक्रमले भारत र चीनको सीमा विवाद फेरि चर्किने खतरा बढेको देखिएको छ। एजेन्सी
Winters in Ladakh going to be harsh. We're absolutely in control as far as advanced winter stocking&forward winter stocking is concerned. High calorific&nutritious ration,fuel&oil,winter clothing&heating appliances all available in adequate numbers: Chief of Staff,14 Corps to ANI pic.twitter.com/DFhtBwi9c3
— ANI (@ANI) September 27, 2020
प्रतिक्रिया