युनिकोड
कोरोना संक्रमणपछि मेडिसिटी अस्पतालमा उपचाररत राष्ट्रिय जनमोर्चाका अध्यक्ष चित्रबहादुर केसीको सम्पूर्ण उपचार खर्च सरकारले व्यहोर्ने भएको छ।
बिहीबार सम्पन्न मन्त्रिपरिषदको वैठकले पूर्व उपप्रधानमन्त्री समेत रहेका केसीको सम्पूर्ण उपचार खर्च सरकारले व्योहोर्ने निर्णय गरेको अर्थमन्त्री विष्णु पौडेलले जानकारी दिए।
‘आज सम्पन्न मन्त्री परिषदको बैठकले उहाँको सम्पूर्ण उपचार खर्च बेहोर्ने निर्णय गरेको पनि अवगत गराउँछु’, अर्थमन्त्री पौडेलले सामाजिक सञ्जाल ट्विटरमा लेखेका छन्। अर्थमन्त्री पौडेलले अध्यक्ष केसीको शीघ्र स्वास्थ्यलाभको कामना समेत गरेका छन्।
राष्ट्रीय जनमोर्चाका अध्यक्ष, संविधानसभाका सदस्य, पूर्व उपप्रधानमन्त्री चित्रबहादुर केसीज्यूको शिघ्र स्वास्थ्यलाभको कामना गर्दछु। आज सम्पन्न मन्त्री परिषदको बैठकले उहाँको सम्पूर्ण उपचार खर्च बेहोर्ने निर्णय गरेको पनि अवगत गराउँछु।
— Bishnu Prasad Paudel (@bpaudel1959) November 12, 2020
ज्वरो, रुघाखोकी लगाएतका स्वास्थ्य समस्या देखिएपछि मंगलबार मेडिसिटी अस्पतालमा भर्ना भएका अध्यक्ष केसीको बुधबार कोरोना रिपोर्ट पोजिटिभ आएको थियो। केसीको स्वास्थ्य अवस्था अहिले सुधार हुँदै गइरहेको छोरी रितु केसीले जानकारी दिइन्।
प्रतिक्रिया