ओली पक्षले निर्वाचन आयोगलाई बुझायो थपिएका सदस्यसहितको केन्द्रीय समितिको सूची

नेकपाका अध्यक्ष केपी शर्मा ओली पक्षले पार्टी कमिटी विस्तार गरेको जानकारी निर्वाचन आयोगलाई गराएको छ।

नेकपा ओली पक्षका नेताहरुले मंगलबार आयोग कार्यालयमा पुगेर समिति विस्तार गरिएको नेकपाको केन्द्रीय समितिको विवरण आयोगमा दर्ता समेत गराएका छन्।

अध्यक्ष ओली पक्षले मंगलबार बालुवाटारमा भेला राख्दै एकलौटी ढंगले केन्द्रीय समिति पुर्नगठन गराएका थिए।

निर्वाचन आयोगका प्रमुख निर्वाचन आयुक्त दिनेशकुमार थपलियाले नेकपाको पुनर्गठन गरिएको केन्द्रीय समितिको नामावली आयोगमा दर्ता भएको बताए।

‘चिठ्ठी दर्ता भएको छ, पार्टीको फोकल पर्सन बाबुराम दाहालले (नेकपा ओली पक्षका) आएर दर्ता गराउनुभएको हो,’ थपलियाले भने।