बाग्लुङकाे काेप्चेमा जीप दुर्घटना, १४ जनाको मृत्यु

गुल्मीको इस्माबाट कुलपूजाका लागि बागलुङको निसिखोला आउँदै गरेको ग१ज ५२१९ नंको जीप दुर्घटना हुँदा १४ जनाको घटनास्थलमै मृत्यु भएको छ ।

जिल्ला प्रहरी कार्यालय बागलुङका प्रहरी प्रमुख नवराज भट्टका अनुसार बडिगाड गाउँपालिकाको कोप्चे भन्ने स्थानमा जीप दुर्घटना भएको हो ।

जीपमा रहेका मध्ये नौ महिला, चार पुरुष र एक बालकको घटनास्थलमै मृत्यु भएको हो । अन्य तीन जनालाई उद्धार गरी उपचारका लागि बुर्तिवाङ पठाइएको छ ।

जिप बिहान ९ः५५ बजे बाग्लुङ बडिगाड गाउँपालिका ७ भीमगिठेमा मध्यपहाडी लोकमार्गबाट ५ सय मिटर तल खोलामा खसेको थियो। जिपमा १८ जना यात्रा गरिरहेका थिए।

एक जना हराइरहेको प्रहरीले जनाएको छ।