कोरोना संक्रमित तीन लाख व्यक्ति उपचारपछि पूर्ण स्वस्थ

कोरोना भाइरस ‘कोभिड १९’ बाट संक्रमित बनेका तीन लाखभन्दा बढी मानिसहरु उपचारपछि पूर्ण स्वस्थ भएर घर फर्किएका छन्।

हाल विश्वमा १४ लाख ३२ हजार ६८६ कोरोना संक्रमित छन्। ८२ हजार १२४ को मृत्यु भइसक्दा ३ लाख २३ सय २४ उपचारपछि पूर्ण स्वस्थ बनेका हुन्।

हालसम्म चीनमा सबैभन्दा बढी कोरोना संक्रमित निको भएका छन्। चीनमा ७७ हजार २७९ उपचारपछि स्वस्थ बनेका हुन्।

यस्तै स्पेनमा ४३ हजार २०८, जर्मनीमा ३६ हजार ८१, इरानमा २७ हजार ३९, इटलीमा २४ हजार ३९२, अमेरिकामा २१ हजार ७११, फ्रान्समा १९ हजार ३३७ जना कोरोना संक्रमित उपचारपछि स्वस्थ भएका छन्। एजेन्सी