युनिकोड
उदयपुरमा थप ८ जनामा रिपोर्ट शंकास्पद देखिएपछि पुनः परीक्षण थालिएको छ।
विराटनगरको कोशी अस्पतालको प्रयोगशालामा परीक्षणमा थप ८ जनाको रिपोर्ट शंकास्पद (पोजेटिभ) आएपछि पुनः परीक्षणका लागि उनीहरुको स्वाब धरानस्थित बीपी कोइराला स्वास्थ्य विज्ञान प्रतिष्ठानमा पठाइएको छ।
उदयपुरका स्वास्थ्य प्रमुख मोहन सुवेदीले शनिबार ६९ जनाको स्वास्ब परीक्षणका लागि कोशी अञ्चल अस्पताल लगिएको र ८ जनाको रिपोर्ट शंकास्पद आएपछि पुनः परीक्षणका लागि मंगलबार धरनास्थित बीपी कोइराला स्वास्थ्य विज्ञान प्रतिष्ठानमा पठाइएको जानकारी दिए।
‘कोशी अस्पतालमा पठाइएका ६९ मध्ये ८ जनाको रिपोर्ट शंकास्पद आयो, त्यसैले आज (मंगलबार) पुनः परीक्षणका लागि बीपी कोइराला स्वास्थ्य विज्ञान प्रतिष्ठानमा पठाइएको छ’, नेपालखबरसँग कुरा गर्दै स्वास्थ्य प्रमुख सुवेदीले भने।
शुक्रबार र शनिबार गरेर उदयपुरको भुल्केस्थित एक मस्जिदमा रहेका १६ मध्ये १३ जनामा कोरोना संक्रमण देखिएको थियो।
शनिबार सो क्षेत्रका ६९ जनाको स्वाब परीक्षण गर्न कोसी अस्पताल विराटनगर पठाइएको थियो। तीनैमध्ये ८ जनाको रिपोर्ट संकास्पद आएको हो।
प्रतिक्रिया