युनिकोड
जोर्ज फ्लोइड मृत्युको घटनाले अमेरिका अशान्त थियो। प्रहरीले हथकडी लगाइएका फ्लोइडको घाँटीमा ९ मिनेट थिच्दा मृत्यु भएको थियो।
त्यसयता अमेरिकामा मानिसहरुले ‘अश्वेतको जीवनले पनि अर्थ राख्छ’ भन्ने अभियान संचालन गरिरहेका छन्।
यसबीचमा अमेरिकामा शुक्रबार राति अर्का अश्वेत नागरिकको पनि प्रहरीकै कारण मृत्यु भएको हो।
अमेरिकाको एटलान्टामा अश्वेत नागरिक २७ वर्षीय रेसर्ड ब्रुक्सको प्रहरीको गोली लागि मृत्यु भएको सीएनएनले जाएको छ।
एटलान्टाको वेन्डी रेस्टुरेन्ट बाहिर कारमै सुतिरहेका रेसर्डलाई त्यहाँबाट हटाउन प्रहरी बोलाइएको थियो। रेसर्ड अन्य सवारीको बाटो छेक्नेगरी कारमा सुतेका थिए।
प्रहरीका अनुसार मापसे सेवन गरेको आशंकामा उनलाई मापसे परीक्षण गरिएको थियो। ब्रुक्सले मापसे सेवन गरेको देखिएपछि उनलाई प्रहरीले गिरफ्तार गर्न खोजेको थियो।
तर प्रहरीसँग जान नमानेपछि धरपकड भएको थियो। सो क्रममा ब्रुक्सले टेजर गन पनि खोसेको प्रहरीको आरोप छ।
बीबीसीका अनुसार सीसीटीभीमा प्रहरी र ब्रुक्सबीच धरपकड भएको देखिएको छ। तर ब्रुक्स र प्रहरी जब सीसीटीभीको निगरानी बाहिर जान्छन् गोली चल्छ। अस्पतालमा उपचारकै क्रममा ब्रुक्सको मृत्यु भएको हो।
एटलान्टा प्रहरीले बुक्सलाई गोली हान्ने दुई प्रहरीको नाम सार्वजनिक गरेको छ। उनीहरु ग्यारेट रोल्फ र डेभिन ब्रोनसान भएको बताइएको छ। यस घटनामा संलग्न यी दुवै प्रहरीलाई सेवाबाट हटाइएको छ। एजेन्सी
Breaking: The Wendy’s that rioters set on fire during protests in Atlanta, Georgia, in now engulfed in flames. Tensions between protesters and police are continuing to rise at this hour. pic.twitter.com/sapYGncN9v
— PM Breaking News (@PMBreakingNews) June 14, 2020
प्रतिक्रिया