बर्दियामा स्थानीय बबई नदीले बगाउँदा पतिपत्नी बेपत्ता भएका छन्।
बबईमा आएको बाढीले बगाउँदा ठाकुरबाबा नगरपालिका–४ बगनाहाका ३२ वर्षीय जितबहादुर थारू र उनकी पत्नी २६ वर्षीया राजकुमारी बेपत्ता भएका जिल्ला प्रहरी कार्यालय बर्दियाले जनाएको छ।
बबईको बाढीले बगाएर ल्याएको दाउरा संकलन गरेर फर्कने क्रममा शनिबार बाढीमा बगेर उनीहरु बेपत्ता भएका प्रहरीले जनाएको छ। प्रहरीका अनुसार बबई नदीको खैलार बनकट्टीघाट उनीहरु बगेर बेपत्ता भएका हुन्।
चौधरी दम्पती नदीमा बगेको बाख्रा चराइरहेका एक जनाले देखेपछि प्रहरीलाई खबर गरेका थिए। बेपत्ता दम्पतीको खोजी भइरहे पनि फेला पार्न नसकिएको प्रहरीले जनाएको छ। रासस
प्रतिक्रिया