कञ्चनपुरमा संक्रमितकाे संख्या पाँच सय नाघ्याे

कञ्चनपुरमा बिहीबार थप २६ जनामा कोरोना संक्रमण पुष्टि भएको छ।

सेती प्रादेशिक अस्पतालको प्रयोगशालामा गरिएको परीक्षणमा कञ्चनपुरका पाँच महिला र २१ पुरुषमा संक्रमण पुष्टि भएको अस्पतालका सूचना अधिकारी दिलिप कुमार श्रेष्ठले बताए।

उनका अनुसार कञ्चनपुरको शुक्लाफाँटा नगरपालिकाका ३ महिला, १० पुरुष, बेलडाँडी गाउँपालिकाका ८ पुरुष र बेलौरी नगरपालिकाका ५ जनामा संक्रमण पुष्टि भएको हो।

यो सँगै कञ्चनपुरमा संक्रमित संख्या ५०७ पुगेको छ।