युनिकोड
पछिल्लो २४ घण्टामा प्रदेश २ मा १६९ जना कोरोना संक्रमित थपिएका छन्।
धनुषामा ३४ जना, महोत्तरीमा ४३ जना, सिरहामा १० जना, बारामा १९ जना, पर्सामा २६ जना, सप्तरीमा ३५ जना, सर्लाही र रौतहटमा १/१ जना संक्रमित भेटिएका हुन्।
भेटिएका मध्ये ३७ जना महिला रहेको समाजिक विकास मन्त्रालयका वरिष्ठ चिकित्सक डा. कमलेश यादवले बताए।
योसँगै प्रदेश २ मा कोरोना संक्रमितको संख्या १० हजार ९ सय ७७ पुगेको छ।
यस्तै पछिल्लो २४ घण्टामा यस प्रदेशबाट उपचारपश्चात २१ महिलासहित १०५ जना कोरोना मुक्त भएर घर फर्केको वरिष्ठ चिकित्सक डा. यादवले बताए।
त्यस्तै पछिल्लो २४ घण्टामा यस प्रदेशमा कोरोनाबाट २ जनाको मृत्यु भएको पुष्टि भएको छ।
धनुषाको क्षिरेश्वरनाथ नगरपालिका ३ रमदैयामा बस्दै आएका भारत आन्ध्र प्रदेशका ६२ वर्षीय पुरुष र सप्तरीको राजविराज नगरपालिका ७ का ४८ वर्षीय पुरुषको कोरोनाबाट मृत्यु भएको मन्त्रालयले जनाएको छ। योसँगै यस प्रदेशमा कोरोनाबाट मृत्यु हुनेको संख्या ९८ पुगेको छ।
प्रतिक्रिया