अमेरिकी राष्ट्रपति ट्रम्पले भनेः चीन, रुस र भारतले विश्वभर प्रदूषण फैल्याइरहेका छन्

यी देशहरुले सबैभन्दा बढी वायु प्रदूषण गरेको ट्रम्पको भनाइ छ। प्रदूषणको मामिलामा अमेरिका भने सबैभन्दा राम्रो भएको उनले बताए।

बिहीबार चुनावी अभियानका क्रममा उत्तरी क्यारोलिना पुगेका ट्रम्पले भने,‘अमेरिकाले आफ्नो वातावरण रक्षा गर्दै उर्जाको क्षेत्रमा आत्मनिर्भरता हासिल गरेको छ। त्यसकारण वातावरण प्रदूषण, ओजोत तहमा हुने नोक्सानीको मामिलामा अमेरिकाको तथ्यांक सबैभन्दा राम्रो छ।’

हालै कोरोना मुक्त भएका ट्रम्पले कोरोना भाइरस चीनकै कारण फैलिएको र चीनले त्यसको मूल्य चुकाउने बताउँदै आएका छन्।

चुनावी अभियानका क्रममा उनले बारम्बार चीनको आलोचना गर्दै आएका छन्। एजेन्सी