नेपालमा कोरोना संक्रमणबाट निको हुनेको संख्या १ लाख नाघ्यो

नेपालमा कोरोना संक्रमणबाट निको हुनेको संख्या लाख नाघेको छ।

पछिल्लो २४ घण्टामा थप ३ हजार २१५ जना कोरोना संक्रमित निको भएका छन्।

स्वास्थ्य तथा जनसंख्या मन्त्रालयको बिहीबारको नियमित प्रेस ब्रिफिङमा मन्त्रालयका प्रवक्ता प्राडा जागेश्वर गौतमले नेपालमा कोरोना निको हुनेको संख्या १ लाख २ हजार ८२० पुगेको जानकारी दिए।

प्रवक्ता गौतमका अनुसार कुल संक्रमितमध्ये ६९.२ प्रतिशत निको भएका हुन्।

त्यस्तै पछिल्लो २४ घण्टामा काठमाडौँ उपत्यका१ हजार ५५२ सहित देशभरमा ३ हजार ६३७ जनाका कोरोना पुष्टि भएको प्रवक्ता गौतमले जानकारी दिए।