चितवनमा कारको ठक्करबाट महिलाको मृत्यु

चितवनमा कारको ठक्करबाट आज एक महिलाको मृत्यु भएको छ।

खैरहनी नगरपालिका–१, ज्यामिरेस्थित पूर्वपश्चिम राजमार्गमा कारको ठक्करबाट पैदलयात्री खैरहनी नगरपालिका–२ बस्ने ५० वर्षीया बुद्धिमाया दराईको मृत्यु भएको जिल्ला प्रहरी कार्यालय चितवनका प्रवक्ता सूर्यबहादुर थापाले जानकारी दिए।

पूर्वबाट पश्चिमतर्फ जाँदै गरेको बा १२ च ३१७७ नम्बरको कारले बाटो काट्दै गरेकी दराईलाई ठक्कर दिएको थियो।

गम्भीर घाइते भएकी उनको उपचारको क्रममा साँझ चितवन मेडिकल कलेजमा मृत्यु भएको हो।