नेपालमा पछिल्लो २४ घण्टामा थप ३ हजार ५१ जनामा कोरोना भाइरसको संक्रमण पुष्टि भएको छ।
बिहीबार अपरान्ह स्वास्थ्य तथा जनसंख्या मन्त्रालयले दिएको जानकारी अनुसार पछिल्लो २४ घण्टामा देशभरमा थप ३ हजार ५१ जनामा संक्रमण देखिएको हो।
मन्त्रालयका अनुसार योसँगै नेपालमा कोरोना संक्रमितको १ लाख ८५ हजार ९७४ संक्रमितको संख्या पुगेको छ भने सक्रिय संक्रमितको संख्या ३६ हजार ५१४ रहेकाे छ।
मन्त्रालयका अनुसार पछिल्लो २४ घण्टामा १३ हजार ६८ पीसीआर परीक्षण भएसँगै अहिलेसम्म भएको परीक्षणको संख्या १५ लाख ७ हजार १९० पुगेको छ।
त्यस्तै पछिल्लो २४ घण्टामा ३ हजार ४३० जना संक्रमित निको भएका छन्। योसँगै निको हुनेको १ लाख ४८ हजार ४०८ संख्या पुगेको छ।
त्यस्तै पछिल्लो २४ घण्टामा थप १८ जनाको संक्रमणका कारण मृत्यु भएको छ। योसँगै नेपालमा कोरोनका कारण मृतयु हुनेको संख्या १ हजार ५२ पुगेको छ।
Shares
प्रतिक्रिया