छात्रामाथि यौन दुर्व्यवहार गरेको आरोपमा शिक्षक पक्राउ

कञ्चनपुरमा १४ वर्षीया बालिकामाथि यौन दुर्व्यवहार गरेको आरोपमा शिक्षक पक्राउ परेका छन्।

जिल्लाको बेलौरी नगरपालिका–६ विद्यानगरस्थित महाकाली माध्यमिक विद्यालयमा कार्यरत ५३ वर्षीय शिक्षक मधुविलाश ढंगानालाई आफ्नै विद्यार्थीमाथि यौन दुर्व्यवहार गरेको आरोपमा प्रहरीले नियन्त्रणमा लिएको हो।

बालिकाले शिक्षकविरुद्ध यौन दुर्व्यवहारको उजुरी दिएपछि थप अनुसन्धानका लागि नियन्त्रणमा लिइएको जिल्ला प्रहरी कार्यालय कञ्चनपुरका डीएसपी अमर थापाले जानकारी दिए।

शिक्षक ढुंगाना अहिले प्रहरीको हिरासतमा छन्। फागुन ५ गते दिउँसो शिक्षकले विद्यालयमा आफूमाथि यौन दुर्व्यवहार गरेको बालिकाको आरोप छ।