अभिनाशले बनाए ६ विकेटको कीर्तिमान

लामो समयपछि राष्ट्रिय टोलीमा पुनरागमन गरेका अभिनाश बोहोराले ६ विकेट लिँदै कीर्तिमान बनाएका छन्।

चीनको हाङचाओमा जारी १९औँ खेलकुदअन्तर्गत आज मालदिभ्सविरुद्धको खेलमा १३८ रनको फराकिलो जित निकाल्दा अभिनाश नायक बने। 

अभिनाशले ३.४ ओभरमा ११ रन खर्चेर सर्वाधिक ६ विकेट लिएका हुन्। 

योसँगै उनी टी–२० आईमा ६ विकेट लिने पहिलो नेपाली बलर बनेका छन्।

अन्तर्राष्ट्रिय करिअरमा उनले पहिलोपटक ६ विकेट लिएका हुन्।

यसअघि सन्दीप लामिछाने र करण केसीले समान ५/५ विकेट लिएका थिए।