युनिकोड
सेयरबजारमा ५ अर्बको कारोबार भएको छ। सो रकम पछिल्लो १०० औं कारोबार दिनपछिको उच्च हो। २०७९ पुस २५ गते सेयरबजारमा ५ अर्ब ६ करोडको कारोबार भएको थियो। त्यसपछि निरन्तर घट्दै गएको कारोबार पुनः आज ५ अर्ब नाघेको छ।
आज सेयरबजार १६.५२ अंकले बढेर २०३७.०६ विन्दुमा पुगेको छ।
आज २०२०.२३ विन्दुमा खुलेको बजार दिनभरी बढेर अन्तिम समयमा उतार चढाप देखियो। दिनभरी बढेको बजारमा २ बजेपछि बिक्रीकर्ता हावी हुँदा बजार न्यून २०१६ विन्दुमा आइपुगेको थियो।
अन्तिम ९ मिनेटमा बजार पुनः बढेर २०३७ विन्दुमा पुगेको देखिन्छ।
बजार उच्च अंकले बढ्दा बिक्रीकर्ता नाफा बुक गर्न लाग्दा बजार साढे २ हजार तल रोकिएको छ।
आज कारोबारमा आएका २७५ कम्पनीको ७९ हजार ४६१ पटकको कारोबार हुँदा ५ अर्बको कारोबार भएको छ।
आज खप्तड लघुवित्तको सेयरमूल्य सर्वाधिक ९.९९ प्रतिशतले बढेर प्रतिकित्ता सेयरमूल्य ९९४ रुपैयाँ पुगेको छ। त्यसैगरी हालै मात्रै आईपीओ जारी गरेको सिटि होटलको सेयरमूल्य ९.९५ प्रतिशत र भूगोल इनर्जीको सेयरमूल्य ७.५२ प्रतिशतले बढेको छ।
शिवम सिमेन्टको सर्वाधिक २८ करोड १७ लाख रुपैयाँको कारोबार भएको छ। त्यसैगरी हिमालयन डिष्ट्रीलरीको २४ करोड ३३ लाख र नेपाल लाइफ इन्स्योरेन्सको १४ करोडको कारोबार भएको छ।
आज बजारमा कुमारी बैंक र सिटि होटलको सेयरमा सर्वाधिक खरिद माग रहेको छ।
प्रतिक्रिया