बलिउड अभिनेता अमिताभ बच्चन हरेक आइतबार मुम्बईको जलसा बंगलाबाहिर आफ्ना फ्यानहरूलाई भेट्न पुग्छन्।
उनी बाहिर निस्कने त्यो हरेक दिन उनको घर बाहिर हजारौँ फ्यान उनको १ झलक देख्नका लागि जम्मा भएका हुन्छन्। तर हरेक आइतबार फ्यानलाई भेट्न पुग्दा उनी खाली खुट्टामा देखिने गर्छन्। लामो समयदेखि उनी यसरी दर्शकसामु पुग्दै आएका छन्।
यो साता पनि उनी उसैगरी खाली खुट्टा फ्यान भेट्न निस्किए।
त्यहाँको तस्बिर शेयर गर्दै अमिताभले यसको पछाडि एक सुन्दर कारण बताएका छन्।
उनले लेखेका छन्, ‘मलाई विवादास्पद ढंगले सोध्छन्। फ्यानलाई खाली खुट्टा भेट्न को जान्छ? म तिनीहरूलाई भन्छु, म गर्छु, तिमी खाली खुट्टा मन्दिर जान्छौ। मेरो शुभचिन्तक मेरो मन्दिर हो। यसमा के समस्या पाउनुभयो?’
अमिताभको यो पोस्ट देखेर उनका फ्यान निकै भावुक भएका छन्। एक प्रयोगकर्ताले प्रतिक्रिया दिँदै लेखेका छन्, ‘केवल तपाईंले यो भन्न सक्नुहुन्छ।’
अर्का फ्यान लेख्छन्, ‘तपाईंको शब्द चयन साँच्चै विशेष छ। यसरी आफ्ना फ्यानहरूलाई खाली खुट्टामा धन्यवाद दिनुले तपाईंको करियरको सुरुवातदेखि नै तपाईंलाई माया दिने मानिसहरूप्रति तपाईंको श्रद्धा र सम्मान देखाउँछ।’
Shares
प्रतिक्रिया