भारत राजस्थानमा एक किशोरी पाकिस्तानी प्रेमी भेट्न पाकिस्तान जान लाग्दा पक्राउ परेकी छन्।
भारतीय अनलाइन दैनिक भास्करका अनुसार राजस्थानस्थित सिकरकी १७ वर्षीया किशोरी आफ्ना प्रेमीलाई भेट्न पाकिस्तान जान लाग्दा सीआइएसएफले समातेको हो।
एयरपोर्टमा पाकिस्तान जाने टिकट मागेपछि उनीप्रति शंका उत्पन्न भएको थियो। सुरुमा उनले आफूलाई पाकिस्तानी बताएकी थिइन्, तर कडा सोधपुछपछि उनी भारतीय भएको र पाकिस्तान लाहोरका केटा अस्लम लाहोरीसँग आफू प्रेममा रहेको र त्यतै जान लागेको बताएकी थिइन्।
खासमा उनकै प्रेमी अस्लमले उनलाई विमानस्थलमा आफू पाकिस्तानी भएको बताउन भनेका थिए।
पाकिस्तान जान लागेकी ती किशोरीसँग सोधपुछ गर्न महिला केन्द्रबाट महिलालाई पनि बोलाइएको थियो। प्रहरीले उनको मोबाइल पनि जाँच गरिरहेको छ। उनी जम्मा २५० रुपैयाँ (भारतीय) लिएर पाकिस्तान जाँदै थिइन्।
यो पनि : सामाजिक सञ्जालबाट माया बसेपछि प्रेमी भेट्न पाकिस्तान पुगिन् चिनियाँ युवती
Shares
प्रतिक्रिया