गाजामा कब्जा गरेको हमास सरकारले गएराति इजरायली आक्रमणमा परी कम्तीमा ८० जनाको मृत्यु भएको जनाएको छ।
हमास सरकारको मिडिया कार्यालयले विज्ञप्ति जारी गरी उक्त कुरा बताएको हो। समाचार एजेन्सी एएफपीका अनुसार इजरायलको कारबाहीमा ८० भन्दा बढी व्यक्तिको मृत्यु भएको र सयौं घाइते भएको विज्ञप्तिमा उल्लेख छ।
हमास लडाकुहरूले यही अक्टोबर ७ मा इजरायलमा अकस्मात् आक्रमण गरेका थिए। जसमा १४ सयभन्दा बढी मानिसको मृत्यु भएको थियो। त्यसयता इजरायलले गाजामा निरन्तर बमबारी गरिरहेको छ।
हमासको स्वास्थ्य मन्त्रालयले इजरायली आक्रमणमा हालसम्म ५८०० भन्दा बढीको मृत्यु भएको जानकारी दिएको छ।
गाजामा मंगलबार मात्र ७०० भन्दा बढी व्यक्तिको मृत्यु भएको दाबी गरिएको छ, जुन एकै दिनमा भएको सबैभन्दा बढी मृत्यु हो।
222
Shares
प्रतिक्रिया