बंगलादेशको प्रमुख प्रतिपक्षी दल बंगलादेश नेसनलिस्ट पार्टी (बीएनपी) का महासचिव मिर्जा फखरुल इस्लाम आलमगिरले आज (मंगलबार) अन्तरिम सरकार गठन नभए देशमा राजनीतिक शून्यता सिर्जना हुन सक्ने बताएका छन्।
मंगलबार ढाकामा आयोजित पत्रकार सम्मेलनमा उनले अन्तरिम सरकारका लागि अहिलेसम्म राष्ट्रपतिसमक्ष कुनै नाम प्रस्ताव नगरेको बताए। राष्ट्रपतिले अनुरोध गरेमा भने नाम पठाइने उनको भनाइ छ।
विभेदविरोधी विद्यार्थी आन्दोलनका तर्फबाट नोबेल पुरस्कार विजेता अर्थशास्त्री मोहम्मद युनुसको नाम प्रस्ताव गरेको चर्चा चलेपछि बीएनपीले उक्त स्पष्टीकरण दिएको हो।
विद्यार्थीप्रति पूर्ण विश्वास रहेको तर सर्वदलीय कुरालाई महत्त्व दिनुपर्ने उल्लेख गर्दै बीएनपीले बताएको छ।
महासचिव आलमगिर तीन महिनाभित्र निर्वाचन गरेर सत्ता हस्तान्तरण गर्न पनि आग्रह गरे। बीएनपीका कार्यवाहक अध्यक्ष तारिक रहमानलाई पार्टीले छिट्टै स्वदेश फर्कन आग्रह गरेको उनले बताए।
आलमगिरले भने, ‘प्रतिशोधका लागि संस्थामा आक्रमण र लुटपाट गर्नेलाई रोक्नुपर्छ। उनीहरू आन्दोलनका मानिस होइनन्, आन्दोलनका विरोधी हुन्।’
बंगलादेश संकट अपडेट :
- यी ८ तस्बिरमा हर्नुहोस् हसिना हिँडेपछि प्रधानमन्त्री निवासमा भएको बबन्डर
- सेनाप्रमुख बनेको महिना दिनमै मुलुकको मियो बन्न पुगे जर्नेल जमान
- शेख हसिनाले देश छाडेपछि खालिदा जियालाई रिहा गर्न आदेश
- हसिना सत्ताच्यूत हुँदा ‘राजनीतिक मित्र’ मोदीलाई ठूलो घाटा
- सेनाले दिएको थियो भाग्न ४५ मिनेटको अल्टिमेटम
- बंगलादेशीहरू गोलीसँग डराउन छाडे, सेनाले पनि हात झिक्यो अनि हसिनाले घुँडा टेकिन्
- शेख हसिना सवार विमान भारत अवतरण, त्यहाँबाट पनि लन्डन भाग्ने सम्भावना
- हसिना भारततर्फै किन भागिन्?
- आर्थिक समृद्धिले थामेन हसिनाको कुर्सी, लोकतन्त्र मास्न खोज्दा देश छाडेर भाग्नुपर्यो
- शेख हसिना भागेपछि प्रधानमन्त्री निवासमा आन्दोलनकारीको ढलीमली (भिडिओ)
Shares
प्रतिक्रिया