युनिकोड
प्रधानमन्त्री पुष्पकमल दाहाल प्रचण्डले नक्कली भुटानी शरणार्थी प्रकरणमा तानिएकाहरूलाई कानुन, विधि र प्रक्रियाअनुसार कारबाही हुने दाबी गरेका छन्।
शनिबार सिंहदरबारमा नेकपा एमालेका अध्यक्ष केपी शर्मा ओलीसँगको २ घन्टा लामो छलफलपछि सञ्चारकर्मीसँगको कुराकानीका क्रममा प्रधानमन्त्री प्रचण्डले सो कुरा बताएका हुन्।
साथै, एमाले अध्यक्ष ओलीले यसअघि र आजको दुवै भेटमा यस प्रकरणबारे चासो राखेको पनि जानकारी दिए।
‘अस्ति पनि र आज पनि यो विषयमा उहाँले कर्न्सन राख्नुभयो। मैले जनरल कुरा राखेको छु,’ प्रधानमन्त्रीले भने।
ओलीसँगको भेटपछि सञ्चारकर्मीसँग प्रधानमन्त्री प्रचण्डको सवाल–जवाफः
भुटानी शरणार्थीबारे के कुरा भयो?
प्रक्रिया, पद्धति र ऐन अनुसार दृढताका साथ अगाडि जान्छ। दोषी कोही नछुटुन, निर्दोष कोही नपरुन भन्ने मान्यताबाट बोल्डले अगाडि गइन्छ।
तपाईंलाई अध्यक्ष ओलीले के भन्नुभयो?
अस्ति पनि र आज पनि यो विषयमा उहाँले कर्न्सन राख्नुभयो। मैले जनरल कुरा राखेको छु।
टोपबहादुर रामबहादुरहरुलाई बचाइदिउँ भन्न आउनुभएको हो?
त्यस्तो भनेर बचाउँ भनेर कसैले नि सक्दैन नि।
तपाईं दबाबमा त पर्नुहुन्न?
पर्दिन, पर्दिन। म दबाबमा पर्दिँन।
प्रतिक्रिया