युनिकोड
प्रदेश २ सरकारले मधेस आन्दोलनका सहिदहरुको सम्झनामा अगामी माघ ५ गते बलिदानी दिवस मनाउने भएको छ।
बलिदानी दिवसका अवसरमा वीरगंजमा विशेष समारोहको आयोजना गर्ने प्रदेश सरकारले जनाएको छ।
प्रदेश सरकार मन्त्री परिषदको बिहीबार सम्पन्न बैठकले माघ ५ गते बलिदानी दिवस भव्यताका साथ मनाउने निर्णय गरेको सरकारका प्रवक्ता एवं आन्तरिक मामिला तथा कानून मन्त्री ज्ञानेन्द्र कुमार यादवले जानकारी दिए।
प्रदेश सरकारको आयोजनामा हुने उक्त कार्यक्रममा विभिन्न शीर्ष नेताहरुको समेत उपस्थिति रहने छ। उक्त कार्यक्रममा मधेस आन्दोलनका सहिद परिवार एवं घाइतेहरुलाई सम्मान समेत गरिने जनाइएको छ।
२०६३ साल यता मधेस केन्द्रित दलहरुले सहिदहरुको सम्झनामा मनाउँदै आएको बलिदानी दिवस गत वर्षदेखि प्रदेश सरकारले मनाउन थालेको हो। गत वर्ष माघ पाँच गते सिरहाको लहानमा बलिदानी दिवसको विशेष समारोह आयोजना गरिएको थियो।
प्रतिक्रिया