पाकिस्तानमा बिहीबार भएको मतदानपछि नौ घण्टा ढिलागरी नतिजा आउन सुरु भएको छ।
हालसम्म पाकिस्तानी निर्वाचन आयोगले राष्ट्रिय सभाका ११ सिटको नतिजा सार्वजनिक गरेको छ। तर, निर्वाचन आयोगले दिएको यी नतिजा अन्तिम नतिजा होइनन् भन्ने जान्न जरुरी छ।
हालसम्म आएको नतिजामा पाकिस्तान मुस्लिम लिग–नवाज अर्थात् पीएमएलएनले राष्ट्रिय सभामा पाँच सिट जितेको छ।
जहाँ तेहरिक–ए–इन्साफ अर्थात् पीटीआईलाई समर्थन गर्ने चार जना उम्मेदवार विजयी भएका छन्।
बिलावल भुट्टो जरदारीको पार्टी पाकिस्तान पिपुल्स पार्टीले राष्ट्रिय सभामा दुई सिट जितेको छ।
पञ्जाब राष्ट्रिय सभाको अवस्था
पूर्वप्रधानमन्त्री तथा पाकिस्तान मुस्लिम लिग–नवाजका अध्यक्ष शेहबाज शरिफ लाहोरको सिट एनए–१२३ मा ६३ हजार ९५३ मत प्राप्त गरी विजयी भएका छन्। उनका प्रतिद्वन्द्वी पीटीआई समर्थित स्वतन्त्र उम्मेदवार अफजल अजिम पहाटले ४८ हजार ४८६ मत पाएका छन्।
पीएमएल–एनका उम्मेदवार ताहिर इकबाल पञ्जाबको राष्ट्रिय सभा सिट एनए–५८ मा एक लाख १५ हजार ९७४ मत ल्याएर विजयी भएका छन्। तेहरिक इन्साफले समर्थन गरेका स्वतन्त्र उम्मेदवार अयाज अमिर १ लाख २ हजार ५३७ मत ल्याएर दोस्रो स्थानमा रहे।
पीएमएल–एनका उम्मेदवार सरदार गुलाम अब्बासले १ लाख ४१ हजार ६८० मतका साथ विधानसभा सिट एनए–५९ मा जितेका छन्, जबकि तहरीक–ए–इन्साफ समर्थित स्वतन्त्र उम्मेदवार मोहम्मद रुमान अहमदले १ लाख २९ हजार ७१६ मत प्राप्त गरे।
नेसनल एसेम्बली सिट एनए–५५ मा पीएमएल–एनका उम्मेदवार अबरार अहमद ७८,५४२ मतका साथ विजयी भएका छन्। यस सिटमा पीटीआई समर्थित स्वतन्त्र उम्मेदवार मोहम्मद बशारत राजा ६७ हजार १०१ मत ल्याएर दोस्रो स्थानमा रहे।
पीटीआई समर्थित स्वतन्त्र उम्मेदवार वासिम कादिर पञ्जाबको राष्ट्रिय सभा सिट एनए–१२१ मा ७८ हजार ७०३ मतका साथ विजयी भएका छन् भने उनका प्रतिद्वन्द्वी पाकिस्तान मुस्लिम लिग–एनका शेख रोहेल असगर ७० हजार ५९७ मतका साथ दोस्रो स्थानमा छन्।
खैबर पख्तुनख्वा राष्ट्रिय सभाको स्थिति
पीटीआई समर्थित फजल मोहम्मद खानले खैबर पख्तुनख्वा प्रान्तको राष्ट्रिय सभा सिट एनए–२५ मा वामी नेसनल पार्टीका अमिल वली खानलाई हराएका छन्।
एनए–३ बाट पीटीआई समर्थित उम्मेदवार सलिम रहमान विजयी भएका छन्।
एनए १७ मा पनि पीटीआई समर्थित उम्मेदवार अली खान जादुन विजयी भएका छन्। दोस्रो स्थानमा पीएमएलएनका उम्मेदवार छन्।
राष्ट्रिय सभा सिन्धको अवस्था
सिन्धको एनए–१९९ सिटमा जमियत उलेमा–ए–इस्लामका उम्मेदवार विजयी भएका छन्।
Shares
प्रतिक्रिया