सहरलाई ‘कोरोनाको एपिसेन्टर बन्न नदिन’ स्वीडेनको पार्कमा फालियो कुखुराको हजार किलो सुली

स्वीडेनको लुन्द सहरको मुख्य पार्कमा मानिसहरुलाई आउन नदिन एक टन कुखुराको सुली छरिएको छ।

सहरलाई कोरोना भाइरसको एपिसेन्टर बन्न नदिन पार्कमा सुली छरिएको मेयर फिलिप स्यान्डवर्गले जानकारी दिए।

बिहीबारसम्ममा सुली फाल्ने काम सकिने उनको भनाइ छ।

‘पूरै पार्कमा सुली गनाउने छ। त्यसैले मानिसहरु यहाँ आउने छैनन्,’ मेयर स्यान्डवर्गले भने, ‘सँगसँगै यसले पार्कलाई मलिलो पनि बनाउने छ। हामी कोरोना भाइरसको एपिसेन्टर बन्न चाहन्नौँ। त्यसैले मानिसहरुलाई आउन नदिन यो महत्वपूर्ण उपाय बनेको छ।’

स्वीडेनमा ५० भन्दा बढी मानिसलाई भेला हुन प्रतिबन्ध छ। एजेन्सी